top of page

2022青協盃五人足球賽U10

2022年12月23日,每年一度「青協盃」五人足球賽於海心公園舉行,我哋今年度以「Little Dragons」及「九龍仔」之隊名參加本年度青協盃U10 賽事,「Little Dragons」分別由部分U9+U10 球員,「九龍仔」則由全U10 球員出戰。


是次比賽有12隊,經過上午分組賽,我哋兩隊均成功晉級八強淘汰階段,不過「Little Dragons」在八強負Tai Po Pak Hei 止步;而「九龍仔」則在八強戰中面對 Doplhins FC,發揮不佳,遭遇苦戰,在早段領先一球後,反落後三球,球員沒有放棄,以不死鬥志猛攻,終於在4分鐘內連追兩球,扳成3:3 平手,在點球階段淘汰對手。在四強中,被是次賽事冠軍隊伍Sunny 技術性擊倒。到季軍戰,對淘汰了我哋另一隊的 Tai Po Pak Hei,我哋最終順利以2:0 取勝,報了一敗之讎,奪得2022年度「青協盃」U10 組別季軍。


我哋今年度青協盃之路途,與上年十分相似:分組賽2戰全勝進入八強,在八強中以點球淘汰對手晉級,於四強戰中落敗,而在季軍戰中復勇勝出。但與上年不同的是,本年度青協盃作賽地點在我哋練開波之場地 - 海心公園,既有半個主場優勢,又有觀眾為球隊打氣,其中我哋球員家長尤為落力,打氣聲響徹入雲,最終得到賽會頒發是日比賽之全場「最佳士氣獎」。我哋球員同教練一齊向家長致謝,多謝你哋全日對球隊的落力支持,感謝賽會 #香港青年協會 舉辦賽事,同埋拍攝相片,期待下年度再參與。























Comments


bottom of page