top of page

復活節越南之旅

復活節假期間,我哋去到越南集訓、旅行、比賽,當地越南友好球隊更邀請我哋作客去參加越洋挑戰盃足球賽,交流切磋。


本次在越南作賽,在34度高溫下訓練及比賽,係體能和鬥志大考驗,據當地所講,越南小朋友為避免酷熱高溫,訓練時間會係朝早6點鐘開始,而且會提早到達球場做準備,見識到隊伍對待足球係何等認真。而我哋香港又有幾多小朋友,可以犧牲訓覺時間晨咁早去訓練呢?


第一日我哋旅行觀光,第二日做簡單傳接球訓練,第三日進行8v8的比賽,第四日與另一隊越南球隊踢友誼賽。雖然在裝備上,越南球員無香港咁幸福,佢地未必會有整齊嘅球衣,比賽用既pad都未必有,可見佢地平時都係喺裝備唔齊全既情況下訓練,不過越南球員比香港球員對足球更認真,既有禮又熱情,每位球員都與我哋球員主動握手和道謝,場上亦非常有體育精神,會主動關心對方受傷球員…….以上都值得我哋香港嘅球隊反思一下。


五日四夜越南之旅,踢波又旅行觀光,對球員來講係一次寶貴回憶和經驗,除了足球之外,球員喺眼界、心態同技術、個人成長、自理能力上,相信都有一定嘅提升,在此亦多謝各球員及家長既支持,令行程完滿結束。最後要感謝當地球隊熱情招待,期望我哋下次再交流。





Comments


bottom of page